Policia ka dhënë informacion zyrtar mbi plagosjen e dyfishtë në Tiranë teksa bëhet me dije se autori është identifikuar.
Në njoftim thuhet se të plagosur kanë mbetur 32-vjeçari A.Gj, dhe 28-vjeçari J.M, teksa konfirmohet se ngjarja ka nisur si një konflikt çasti.
Ndërkohë pritet zbardhja e plotë e kësaj ngjarje.
NJOFTIMI NGA POLICIA
Tiranë/Informacion paraprak
Më datë 24.07.2021, rreth orës 20:30, në rrugën “Todi Shkurti” , dyshohet se gjatë një konflikti të çastit janë plagosur me armë zjarri shtetasit A. Gj., 32 vjeç dhe J. M., 28 vjeç, të cilët u dërguan në spital dhe ndodhen nën kujdesin e mjekëve.
Shërbimet e Policisë kanë bërë rrethimin e zonës dhe identifikimin e autorit të dyshuar, i cili për shkak të hetimit nuk bëhen të ditura gjeneralitet e tij.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes dhe kapjen e autorit.
