Policia e shtetit ka konfirmuar arrestimin e Durim Bamit në Dubai, si dhe përgatitjen e procedurave për ekstradimin e tij. Arrestimi i Bamit është kryer disa dita më parë, por policia shqiptare u pati dërguar gjurmët e gishtërinjve të Durim e Bamit, për të konfirmuar nëse bëhet fjalë për këtë person.
Njoftimi i Policisë:
Policia e Shtetit si rezultat i shkëmbimit të menjëhershëm të informacionit, ndërmjet strukturave të Policisë së Shtetit dhe homologëve në Emiratet e Bashkuara, u arrestua në Dubai, me qëllim ekstradimin në Shqipëri, shtetasi Durim Bami, 45 vjeç.
Gjykata e Posaçme e Shkallës së Parë Kundër Korrupsionit dhe Krimit të Organizuar, më datë 15.05.2024, i ka caktuar këtij shtetasi, masën e sigurise “Arrest në burg”, per veprat penale “Sigurimi i kushteve dhe i mjeteve materiale per te kryer vrasje”, “Grupi i strukturuar kriminal”, “Kultivimi i bimëve narkotike”, dhe “Kryerja e veprave penale nga organizata kriminale, ose grup i strukturuar kriminal”. Vijon procedura per ekstradimin e ketij shtetasi drejt vendit tone.
Discussion about this post