Policia e Shtetit ka vënë në pranga tre persona, ndërsa ka proceduar penalisht tre të tjerë për vepra të ndryshme penale.
Mësohet se, dy të rinj janë arrestuar në Vlorë, ndërsa një tjetër u shpall në kërkim, pasi në lokalin në pronësi të S.H., dhe të punësuar I.B., dhe Xh.P., u gjetën dhe sekuestruan në cilësinë e provës materiale 6 kompjutera dhe 3 televizora, të cilët dyshohet se përdoreshin për lojra fati.
Gjithashtu, u proceduan penalisht dy shtetas të huaj nga Bangladeshi, për veprën penale “Kalimi i paligjshëm i kufirit shtetëror”.
Për të njëjtën vepër penale është proceduar dhe një 37-vjeçar, banues në Kuçovë, pasi kishte kaluar në mënyrë të paligjshme kufirin nga Italia për në Shqipëri.
Discussion about this post