Një tjetër paisje e re do të vihet në funksion nga policia rrugore, për të kapur shoferët e papërgjegjshëm. “Droni edukues”, është pajisja inteligjente në përdorim të Komisariatit të Policisë Rrugore Tiranë. Sipas të dhënave të publikuara, kjo paisje shërben veçanërisht për konstatimin e shkeljeve rrugore të pozicionimit të mjeteve në korsinë apo karrexhatën e duhur, sipas drejtimit dhe qëllimit të lëvizjes.
Policia ju kërkon qytetarëve të bëjnë kujdes duke informuar se ndryshimi i drejtimit apo i korsisë duhet të kryhet në përputhje me parashikimet e Kodit Rrugor. Sipas ligjit në momentin që kryeni parakalim me makinë nuk duhet të qëndroni në korsinë ku parakaloni dhe në rast se nuk ka makina pasi përndryshe do dënoheni me masat konform ligjit. Por, pavarësisht këtyre kontrolleve të shtuara aksidentet në vendin tonë vazhdojnë të jenë në numër të lartë, ndërsa vetën javët e fundit janë raportuar një sërë aksidentesh me pasojë vdekje.
Discussion about this post