Policia po e kërkon në Kosovë, Noizy njofton koncert në Shqipëri

Ndërsa policia e kërkon, habit këngëtari i “OTR”, ka njoftuar datën e një tjetër koncerti, i cili do të mbahet në Sarandë.

Rap-artisti i njohur nga Shqipëria, Noizy, këto ditë ka qenë në vëmendje të mediave për shkak të një përleshje në Pejë.

Ai u raportua se pak ditë më parë u përfshi në një sherr me një grup tjetër, ku u rrah TikTok-eri i njohur, Medi Iseni. Këngëtari 37-vjeçar nuk është lajmëruar akoma në polici dhe se po kërkohet intensivisht, madje është kërkuar edhe ndihma e qytetarëve në lidhje me këtë rast.

Noizy do të performonte në natën e sotme (e hënë) në Gjilan, por paralajmëroi se e ka anuluar koncertin.

Nga ana tjetër pritet të shihet se çfarë do të ndodhë këto ditë me Noizyn, meqë i është lëshuar edhe një flet-arrest. Ai bashkë me Stresin kanë reaguar duke thënë se nuk kanë të bëjnë me çështjen dhe se nuk e kanë prekur fare atë.

gijotina.com/