Deputeti demokrat, Flamur Noka ka dërguar një kërkesë drejtuar drejtorit të Policisë së Shtetit, Gledis Nano ku i kërkon llogari sa i përket pranisë së shumtë të forcave të policisë në selinë e PD-së gjatë datës 11 dhjetor ndërkohë që po mbahej Kuvendi i Berishës.
Noka kërkon të dijë se kush ishin arsyet që policia rrethoi selinë blu, dhe se kush ishte institucioni që i kërkoi këto forca policie.
“Gjatë zhvillimit të Kuvendit Kombëtar të partisë Demokratike, ditën e shtunë në datën 11 dhjetor 2021, që nga ora 12:00 deri në orën 18:00 policia ka mbajtur të rrethuar të gjithë perimetrin e selisë qendrore të PD duke qenë të pranishme forcat special si FNSH, RENEA në kundërshtim me çdo akt dhe normë. Duke u nisur nga këto fakte kërkojmë informacion nga ana juaj përse janë ndërmarrë këto veprime dhe nga kanë ardhur të dhënat dhe cili është institucioni që e ka kërkuar këtë prani të forcave policore në selinë e PD-së”, shkruhet në kërkesë.
Discussion about this post