Banesa e 35- vjeçares Hamide Magashi në Kosovë, e cila u vra mizorisht nga ish-bashkëshorti Sokol Halili mbrëmjen e djeshme në maternitet, është rrethuar nga policia. Familjarët mësohen se janë në gjendje të rëndë emocionale, për vrasjen e së bijës pak para se të sillte në jetë fëmijën. Autori vijon të jetë në arrati, ku po punohet nga autoritetet policore për arrestimin e tij. Çifti prej kohësh mësohet se kishin probleme dhe konflikte mes tyre. Për këtë arsye 35-vjecarja kishte kërkuar urdhër mbrojtje nga policia, pasi ish-bashkëshorti i saj dyshohet se e dhunonte.
Nisurnga ngjarja tronditëse, sot qytetarët e Prishtinës kanë organizuar një protestë me moton “Vrasja e grave nga burrat të trajtohet si urgjencë kombëtare” që do të mbahet rreth orës 16:00 në sheshin “Zahir Pajaziti”. Mbrëmjen e djeshme rreth orës 18:00 në Prishtinë, Sokol Halili qëlloi për vdekje me armë zjarri ish- bashkëshorten e tij shtatzënë Hamide Magashi para Maternitetit në Prishtinë. 35-vjeçarja ishte në javët e fundit të shtatzënisë. Ajo ishte paraqitur për kontroll pranë Maternitetit, por në oborr është konfliktuar me Halilin. Ish-bashkëshorti i saj e ka qëlluar atë disa here me armë, por dy plumba kanë qenë ata që i kanë marrë jetën asaj dhe fëmijës së kishte në bark. Halili dhe Magashi kishin më pak se një vit të martuar bashkë dhe po prisnin fëmijën e tyre të parë. Por martesa e tyre kishte probleme dhe Magashi kishte kërkuar divorcin.
Discussion about this post