Teksa policia rrugore në Shqipëri “ngre supet” kur shoferët i kthejnë autostradat në pista garimi, e shkaktojnë aksidente me jetë njerëzish, vendet e tjera ndërtojnë strategji për ndërgjegjësimin e qytetarëve. Kështu një kufi shpejtësie prej 30 km/orë ka hyrë në fuqi në të gjithë Parisin, si një përpjekje për të përmirësuar situatën.
Qëllimi është të zvogëlohen aksidentet dhe të zvogëlohet zhurma dhe ndotja. Por çfarë ndodh në Shqipëri?! Nëse bëjmë një krahasim, në vendin tonë insititucionet kanë prioritet përmbushjen e interesave duke përdorur uniformën e punës, e për pasojë mirëqenia merr përmasat e një katastrofe. Kështu numri i aksidenteve tragjike në vend po shënon rritje.
Sakaq në Paris një sondazh sugjeron se 59% e parizienëve janë pro masës, por disa biznese e kanë kundërshtuar.
Dy të tretat e qytetit tashmë i nënshtroheshin kufirit para ndryshimit të së hënës, i cili është shtyrë nga kryebashkiaku Anne Hidalgo. Disa rrugë kryesore do të mbeten të përjashtuara.
Kufij të ngjashëm tashmë janë në fuqi Grenoble dhe Lille, si dhe Bilbao në Spanjë, dhe kryeqytetin belg, Bruksel.
Masa po prezantohet tani në mënyrë që parizienët të mësohen me një periudhe të trafikut më të lehtë.
Numri i vendndodhjeve të parkimit në rrugë është përgjysmuar dhe shumica e automjeteve pritet të ndalohen nga qendra e qytetit vitin e ardhshëm. Korsitë e biçikletave janë shtuar dhe rrugët po ridizejnohen për t’i bërë rrethet më miqësore për këmbësorët.
