Një 36-vjeçar në Malësi të Madhe është arrestuar nga policia pasi në afërsi të banesës së tij u konstatuan disa bimë kanabisi si dhe u sekuestruan 8 kg lëndë narkotike.
I arrestuari është me iniciale D.J. nga fshati Duke. Pranë shtëpisë së tij u gjetën të kultivuara bimë narkotike, ndërsa brenda banesës iu sekuestruan 8 kilogramë kanabis.
Materialet i kaluan Prokurorisë Pranë Gjykatës së Shkallës së Parë Shkodër për veprat penale “Prodhimi dhe shitja e narkotikëve” dhe “Kultivimi i bimëve narkotike”.
