Kryetari i gjyqtarëve të Tarragonas në Spanjë, Joan Perarnau paralajmëroi për krijimin e një “krimi të organizuar dhe të rrezikshëm”, i cili çon nga vrasjet, në rrëmbime dhe korrupsion. Magjistrati theksoi se shumë prej këtyre bandave të organizuara përbëhen nga kosovarë, shqiptarë dhe suedezë ku sipas tij ata janë pjesë e një sektori që gjeneron shuma të mëdha parash.
“Ne jemi shumë të shqetësuar për të ashtuquajturin “ari jeshil “, i cili gjeneron një rritje të konsiderueshme të grabitjeve të drogës. Dhe në gjysmën e tyre përdoren armë zjarri,”-tha ai.
Rritja e konsiderueshme që po bëjnë plantacionet e marijuanës në zonën e Tarragonës dhe në pjesë të tjera të Katalonjës, është ndikuar nga fakti se këto plantacione tani janë në pronësi të “krimit të organizuar dhe të rrezikshëm”, i cili gjeneron vrasje të shumta, rrëmbime dhe trafikim njerëzish.
”Po vërehet se ka filluar të ndikojë në korrupsionin në nivelin e nëpunësve civilë,“– tha magjistrati në Bordin Krahinor të Seguretat de Tarragona, në të cilin marrin pjesë krerët e tre organeve të sigurisë, Mossos d’Esquadra, Policia Civile dhe Garda Kombëtare dhe gjithashtu përgjegjësit për Policinë Gjyqësore, agjentët përgjegjës për hetimet dhe kryeprokurori.
Vitin e kaluar, në Katalonjë kishte më shumë se njëqind grabitje droge dhe shtatë vrasje, gjysma e së cilave lidhen drejtpërdrejt me pazaret e drogës.
Kreu i gjyqtarëve kujtoi se Tarragona ishte një pikë kalimi për marijuanën dhe kokainën, ndërsa tani është bërë prodhues në shkallë të gjerë të drogës së fundit, duke e bërë Katalonjën një eksportues të madh në Evropë.
