Më shumë se 12 orë nga rënia e sistemit TIMS mbrëmjes e djeshme dhe aludimeve për një tjetër sulm kibernetik nga Irani, Policia e Shtetit ka reaguar duke thënë se ka qenë vetë ata që kanë ndërhyrë me qëllim përmirësimin e performancës së sistemit TIMS.
Megjithëse ky reagim mund të pritet me skepticizëm dhe një sulm kibernetik mund të ketë ndodhur me të vërtetë, ose nga ana tjetër mund të “marrin jetë” deklarata e ish kryeministrit Sali Berisha se gjithçka ka qenë e orkestruar që në fillim për qëllimet e qeverisë.
Policia sqaron gjithashtu se edhe në ditët në vijim, do të ketë ndërprerje me afat të shkurtër kohor, në pika të ndryshme kufitare, për shkak të ndërhyrjeve të brendshme.
Sqarim i Policisë së Shtetit:
Në lidhje me disa lajme të publikuara mbrëmjen e djeshme, në disa media dhe portale, në të cilat është pretenduar se ka ndodhur përsëri sulm kibernetik ndaj sistemit TIMS, sqarojmë opinionin publik se:
Ndaj sistemit TIMS, mbrëmjen e djeshme, nuk ka ndodhur sulm kibernetik, por në kuadrin e përmirësimit dhe rritjes së performancës së sistemit TIMS, mbrëmjen e djeshme u realizuan disa procese të parashikuara mirëmbajtjeje, të cilat ndërprenë shërbimin në interval të shkurtër kohor, në disa prej pikave kufitare, por pa sjellë pengesa në lëvizjen e lirë të qytetarëve.
Konfirmojmë se pas ndërhyrjes së shkurtër, mbrëmjen e djeshme, sistemi TIMS vijon të jetë funksional, në të gjitha pikat kufitare.
Sqarojmë se edhe në ditët në vijim, do të ketë ndërprerje me afat të shkurtër kohor, në pika të ndryshme kufitare, për shkak të ndërhyrjeve të brendshme, me qëllim përmirësimin e performancës së sistemit TIMS.
Policia e Shtetit kërkon mirëkuptimin e mediave që para se të publikojnë lajme që kanë impakt tek qytetarët, të kërkojë informacion zyrtar pranë strukturave përkatëse të Policisë së Shtetit.
Discussion about this post