Rreshtimi i policisë acaron protestuesit tek “Sheshi Shqiponja”. Policia tenton të shpërndajë protestuesit, Noka kërcënon: Nëse nuk largoheni, destinacioni i radhës do të jetë Surreli.
Deputeti Flamur Noka deklaron se protesta po provokohet me urdhër nga Edi Rama.
“Mos na provokoni, sepose vetëm një përgjigje do të ketë”, deklaroi Noka
Ndërkohë Policia po i orienton mjetet në rrugët dytësore, ndërsa janë pozicionuar qindra forca në zonat ku po zhvillohet tubimi.
Situata më e tensionuar deri më tani paraqitet në Rrogozhinë, ndërsa janë djegur goma në Milot dhe Shkozet.
Akset kryesore të vendit që janë paralizuar nga protesta e opozitës janë: “Tiranë–Durrës”, pranë mbikalimit të Kamzës; “Durrës-Tiranë”, pranë mbikalimit të Shkozetit; “Kashar–Milot”, pranë kryqëzimit të Milotit; “Elbasan–Tiranë”, te rrethrrotullimi i Bradasheshit; “Durrës–Fier”, te rrethrrotullimi i Rrogozhinës dhe “Levan–Tepelenë”, te rrethrrotullimi i Levanit.
Shumica e deputetëve të opozitës janë vendosur në Tiranë, kurse pjesa tjetër në zonat ku po zhvillohet protesta.
Dhjetëra forca policore dhe zjarrfikëse ndodhen në terren për të shmangur çdolloj përshkallëzimi të tubimit.
gijotina.com/
Discussion about this post