Policia zbardh ngjarjen e dhunimit të kuzhinierit të njohur, ja kush janë dy vëllezërit që e goditën

Policia e Fushë-Krujës ka zbardhur ngjarjen e ndodhur mbrëmjen e djeshme, ku u dhunua fizikisht, me sende të forta kuzhinieri i njohur, 39-vjeçari Indrit Çela.  Mësohet se autorë të dyshuar të ngjarjes janë dy vëllezër. Burime bëjnë të ditur se ata janë identifikuar si Ernest Luka 24 vjeç dhe Donald Luka 27 vjeç. Njëri prej tyre, 24 vjeçari është arrestuar, ndërsa u shpall në kërkim vëllai tjetër.

Po si ka ndodhur ngjarja? Policia thotë se dy vellezërit, banues në fshatin Derven, rreth orës 18:30, në aksin rrugor Fushë Krujë – Rinas, në vendin e quajtur “Ura e Gjoles”, me automjetin e tyre i kanë bllokuar rrugën automjetit, me të cilin udhëtonte Indrit Çela 39 vjeç, dhe e kanë goditur këtë të fundit me sende të forta duke i shkaktuar dëmtime të rënda fizike, i cili ndodhet në spital për ndihmë mjekësore.