Policia e Devollit ka shoqëruar tre persona, të identifikuar si Alti Nallbati, Marsel Buci dhe Trajan Çeliku, në lidhje me një ngjarje të rëndë të ndodhur në fshatin Vishocicë.
Sipas burimeve konfidenciale, tre të rinjtë dyshohet se kanë marrë peng dhe keqtrajtuar shtetasin Ilir Topçiu, i cili ndodhej në masën e sigurisë “arrest shtëpie”.
Ngjarja dyshohet të ketë ndodhur në mjediset e banesës së njërit prej të shoqëruarve, ku Topçiu është mbajtur dhe dhunuar fizikisht.
Aktualisht, policia e Devollit po vijon kontrollet dhe mbledhjen e provave për të dokumentuar plotësisht ngjarjen dhe për të sqaruar rrethanat e saj.
Ndërkohë, pritet që tre personat e shoqëruar të merren në pyetje për të përcaktuar rolin e secilit në këtë episod të rëndë.
Discussion about this post