Drejtori i Drejtorisë Vendore të Policisë Shkodër, Ervin Hodaj gjatë një konference për shtyp ditën e sotme tha se është arritur të zbardhet ngjarja në fshatin Hot i Ri, vrasja e me armë zjarri e Zef Gurit dhe plagosja e djalit të tij, të ndodhur me datë 27 Shtator 2023.
Në lidhje me këtë, sipas Hodajt, janë shoqëruar disa persona në cilësinë e dëshmitarit. Grupet hetimore po bëjnë punën maksimalisht për kapjen e autorit, në bashkëpunim me Prokurorinë e Shkodrës.
Hodaj theksoi se ngjarja ka lidhje me konflikte të mëparshme, si edhe për shfrytëzimin e pyjeve, në kërkim është shpallur Gjovalin Guri.
I plagosuri Gjin Guri është person me precedent të theksuar kriminalë.
Gjithashtu Hodaj tha se është bërë e mundur zbardhja e vrasjes së Valter Fjerzës dhe një plagosje.
Vrasja e Valter Fjerzës tronditi Shkodrën pak ditë më parë dhe sipas Policisë është bërë e mundur arrestimi i autorit.
Policia vijon kërkimet për Luçian Mëhillin, Aleksandër Mëhillin dhe Enton Dushajn. Sipas ngjarjes, bëhet e ditur se Klevis Fierza disa minuta përpara vrasjes së vëllait është konfliktuar me re vëllezërin Mëhilli.
Shkak i konfliktit ishte bërë debati për parkimin e një automjeti. Sipas dosjes hetimore, njëri nga vëllezërit Mëhilli, Klodjan Mëhilli, në konflikt e sipër ka nxjerrë një armë zjarri pistolete duke ja vendosur në gjoks, Klevis Fjerzës.
Klodjan Mëhillit i ishte hequr nga duart arma pistoletë, ai ka shkuar në makinën e tij, dhe ka marrë një armë tjetër automatike kallashnikov, të cilën e mbante në automjetin foristradë. Mëhilli ka qëlluar në drejtim të automjetit që drejtohej nga Valter Fjerza, ku si pasojë e të shtënave, ky i fundit ka marrë plumb në kokë, duke humbur jetën në vend.
Discussion about this post