Sofistikimi i mjeteve teknologjike me të cilat policia operon duket se nuk do të ndalen me makinën inteligjente, e cila prej disa muajsh gjobit shoferët që shkelin rregullat e qarkullimit rrugor.
Zëvendësministri i Brendshëm, Julian Hodaj ka folur lidhur me investimet në teknologji për policinë e Shtetit.
Zëvendësministri ka bëri me dije se brenda 4 muajve të ardhshme, Shqipëria do të pajiset me 10 makina të tjera inteligjente, me funksione akoma më të specifikuara.Hodaj ka theksuar se këto pajisje do të jenë në gjendje të zbulojnë gjithçka për automjetet, duke nisur që nga shkeljet e konstatuara të rregullave të qarkullimit rrugor dhe deri tek kolaudimi i mjeteve.
“Ndalemi tek sigurua në rrugë. Makina inteligjente që ka shumë me inteligjente dhe më të avancuar se aktualja. Do të marrim së shpejti 10 makina të tilla. Kjo do të bëhet në më pak se 3-4 muaj, do vijnë.”
Sipas Hodajt, makinat inteligjente që do t’i vihen në dispozicion bluve janë në gjendje të njohin targat e makinave dhe problemet e automjetit apo shoferit në kohë reale.
“Kanë sistem të njohjes së targës dhe alert në kohë reale për të gjitha shkeljet që mund të bëjë një automjet. Nuk konstatohen vetëm shkeljet por edhe kolaudimi i makinës apo problematika me makinën dhe shoferin. Është një ndihmë shumë e madhe.” tha Hodaj.
Discussion about this post