Edhe pse shifrat e infektimeve me covid 19 dita ditës po shtohen ndjeshëm, poliklinika qëndrore e Fierit është kthyer tashmë në një vatër infeksioni. Çdo ditë në këtë institucion ka dyndje të pacientëve të grupmoshave të ndryshme, të cilët nuk respektojnë masat anti covid.
Pacientët pohojnë se mbajnë radhë me orë të tëra për t’u vizituar te mjekët specialistë, për të cilët thonë se nuk i zbatojnë oraret dhe vonesa e personelit mjekësor shkakton sorollatjen e tyre.
Edhe pse disa prej tyre me maska, qytetarët rrinë të grumbulluar para hyrjes kryesore në pritje që të hynë brenda për të marr një numër, që të shkojnë tek mjeku specialist për konsultë apo vizitë.
Qytetarët pohojnë se kanë ardhur herët e përsëri aty kanë gjetur persona të shumtë që u duhet të presin në radhë.
“Në orën 7 e gjysëm kam ardh këtu. Nuk kam marr Akoma numrin dhe jam jashtë, nuk kam për të arritur të hyj brenda.” -u shpreh qytetari
“Jam nga Fieri, kam ardh që në orën 7 dhe po mbaj radhën. Ku të hy me këtë radhë…” – shprehet qytetarja.
Gijotina.com ka siguruar foto të cilat tregojnë situatën kaotike që përballet çdo ditë ky institucion dhe deri në këto moment nuk ka një reagim nga drejtuesit e poliklinikës.
Pas Shkodrës edhe Fieri po e vuan indiferencën e institucioneve, të cilat tashmë rëndomtë janë kthyer në një vatër infeksioni të covid 19.
Çdo ditë dëgjojmë nga mjekë të ndryshëm, këshillat dhe thirrjet që I bëjnë qytetarëve, por deri më tani nuk kemi dëgjuar t’u tërhiqet veshi këtyre drejtues institucionesh pikërisht për shërbimin që u ofrohet qytetarëve, të cilët tashmë janë të ekspozuar ndaj covid-19.
