Lumturi Ratkoceri, vjehrra e Floriana Garos ka folur për herë të parë lidhur me qasjet e ndryshme politike që ajo dhe Garo ndajnë, si dhe ndikimin e këtyre qëndrimeve në raportin e tyre. Ajo nuk fshehu në asnjë moment zhgënjimin nga ish-kryeministri Sali Berisha, por theksoi se me Florianën kanë bërë një pakt që të mos flasin për politikë.
“Me Florianën ne kemi bërë një pakt, ne jemi të dyja të djathta, objektivi që Shqipëria të jetë shtet i së drejtës, ne ndahemi tek strategjia dhe se kush do ta bëjë atë. Duke qenë se kam një eksperiencë më të gjatë jete, se dikur në 2011 të njëjtin mendim kam ndarë dhe unë për Berishën , ndryshimi im ndodhi në 2011. Zhgënjimi ndodhi kur pashë realisht se kush ishte kjo qeveri që unë e adhuroja Berishën, dhe kontraditat e para ishin me tim atë i cili thoshte mos ma sha Sali Berishën.”
Ajo është shprehur se me Floriana Garon ka një marrëdhënie prej shoqesh, ndërsa tregon se është munduar ta bind drejt qasjes së saj politike, por nuk ka mundur.
“Tani me nusen time duke qenë se kishim një mendim ndryshe për strategjinë , ne bëmë një pakt , çfarë kemi dashurinë, lidhjen tonë, se ne jemi si shoqe, s’ka asnjë lidhje me atë çfarë ne mendojmë politikisht dhe kjo është demokracia, tolerance. U përpoqa t’ia ndryshoj mendjen, dhe argument i saj është kush mundet ta bëj këtë gjë.”
Ajo e ka konsideruar atë si idealiste, teksa Berishën e ka konsideruar si manipulator.
“Dhe fakti që Rama është bërë i plotfuqishëm për faj të Bashës, tani duhet thënë që Berisha është një manipulator i jashtëzakonshëm, nuk është se këta të rinj janë antiamerikan. Nusja ime dhe të rinjtë që janë aty, janë idealist“, tha ajo.
Discussion about this post