Ditën e sotme është bërë me dije se Polonia nuk do të dërgojë avionët e saj në Ukrainë, ajo gjithashtu nuk do të lejojë përdorimin e aeroporteve të saj.
“Ne po ndihmojmë në shumë fusha të tjera”, ka shkruar në rrjetin e saj social Twitter kancelaria e kryeministrit polak, Mateusz Morawiecki.
Polonia ishte në bisedime për t’i dhënë avionët e saj MIG-29 për Ukrainën.
Ndërkohë republikanët, senatorët dhe ligjvënësit demokratë amerikanë që morën pjesë në një video-chat me Volodymyr Zelensky premtuan se SHBA do të lëshonte 10 miliardë dollarë për të ndihmuar Ukrainën.
“Ne do t’i lëshojmë shpejt këto 10 miliardë dollarë për të ndihmuar popullin ukrainas financiarisht dhe nga ana humanitare si dhe në sektorin e sigurisë,” raportoi udhëheqësi i shumicës në Senat, Chuck Sumer, nga një burim i mirëinformuar, cituar nga CNN.
“Ne jemi të bashkuar në mbështetjen tonë për Ukrainën,” tha senatori republikan Steve Danes. “Ne duhet ta miratojmë këtë ndihmë prej 10 miliardë dollarësh, e cila do të jetë pjesërisht humanitare, pjesërisht ushtarake”, shtoi ai.
Nga ana e tij, Zelensky bëri thirrje për sanksione më të ashpra financiare kundër Rusisë, duke përsëritur se importet e naftës dhe gazit rus duhet të ndalohen dhe se Moska duhet të përjashtohet nga sistemi i kartave të kreditit Visa dhe Mastercard.
Ai përsëriti gjithashtu thirrjen e tij ndaj vendeve të Evropës Lindore për t’i siguruar atij avionë të prodhuar nga Rusia. “Këta avionë janë shumë të nevojshëm. “Dhe unë do të bëj gjithçka që mundem për të ndihmuar qeverinë të lehtësojë transferimin e tyre,” tha Chuck Sumer në një deklaratë.
“Ka avionë të disponueshëm në disa vende të NATO-s që ukrainasit dinë t’i përdorin, por padyshim që SHBA-të janë pjesë e problemit, jo zgjidhja,” tha senatori republikan Lindsey Graham në një video të postuar në Twitter.
“Le t’u japim të gjithë avionët dhe të gjithë dronët që u duhen”, vazhdoi ai, pa dhënë detaje. Kreu i diplomacisë evropiane, Josep Borrell, tha të dielën e kaluar se SHBA dhe BE janë të gatshme të ofrojnë avionë luftarakë MIG, të cilët pilotët ukrainas dinë t’i operojnë, por vendet që i kanë, si Bullgaria, Polonia dhe Sllovakia reaguan më pas me rezerva ndaj këtij propozimi.
Është e paqartë se si Uashingtoni mund të ndihmojë në “transportin” e këtyre avionëve. Mund të lehtësojë transaksionin ose ndoshta të zëvendësojë avionët luftarakë që aleatët e saj do t’i ofrojnë Ukrainës. Deri tani, vetëm Rumania ka konfirmuar se do t’i japë avionë Ukrainës.
Discussion about this post