Nga selia e LSI ku po mban një deklaratë për mediat, ish-presidenti Ilri Meta ka paralajmëruar se qeveria nuk do të gjejë qetësi, për shkak se opozita dhe populli do ngrihen në këmbë. Meta tha se ka ardhur koha që sistemi të ndryshojë dhe për këtë së shpejti populli i 2 marsit do të dalë në rrugë, për të dënuar njëherë e mirë kapjen e shtetit.
“Populli i 2 marsit do nisë rrugën, të vendosë nën kontroll klasën politike të papërgjegjshme Kapjen e shtetit nuk mund ta bënin edhe pa futur në grackë edhe LSI-në e cila doli jashtë funksionit duke u bërë një shtojcë e shtojcës së regjimit më kleptokratik që ishte PD. Unë jam këtu për t’i falënderuar anëtarët e LSI-së dhe kam besim në përkushtimin e tyre në të ardhmen për çështje më madhore. Tashmë ka ardhur momenti për një transformim të sistemit në vend. Ka ardhur momenti që populli i 2 marsit të nisë rrugën e tij dhe të triumfojë si e vetmja mënyrë që do vendosë nën kontroll këtë klasë politike të papërgjegjshme dhe jam i sigurt se kjo gjë do ndodhë shumë shpejt.”, tha Meta.
Discussion about this post