Porositi Amarildo Nikollin për të vrarë të ‘fortin’ e Vlorës, dënohet Leonard Luzi dhe bashkëpunëtori

Gjykata e Posaçme ka dënuar anëtarët e grupit kriminal që planifikuan të vrisnin Ines Hajrullën dhe Ervis Matodashajn në Vlorë.

Togat e zeza miratuan prezencën e SPAK duke dënuar me nga 11 vite Leonard Luzin e Muharrem Korroveshin dhe 2 vite e 9 muaj burg Amarildo Nikollin, që fitoi statusin e bashkëpunëtorit të drejtësisë.

Luzi dhe Koroveshi dyshohen si personat që ishin të interesuar për vrasjen e Ines Hajrullës dhe Ervis Matodashaj.

Gjatë leximit të vendimit, Luzi shpërtheu ndaj bashkëpunëtorit të drejtësisë dhe përfaqësuesve të SPAK me fyerje e kërcënime.

Leonard Luzi ka shpërthyer ndaj të penduarit Amarildo Nikolli duke i thënë ‘do ta shohësh ti Amarildo’, dhe ka goditur xhamin me grusht.

Atentati do të kryhej në 7 gusht 2023, por u parandalua nga policia pasi vrasësisi me pagesë Amarildo Nikolli u arrestua nga policia dhe rrëfeu ngjarjen.

47-vjeçari Leonard Luzi u arrestua nga autoritetet spanjolle më 18 korrik 2024, ndërkohë që ishte shpallur në kërkim për organizimin e vrasjes së Inez Hajrullës dhe Evis Matodashajt, një krim që u parandalua.

“Daku” është një emër i njohur për policinë, pasi ka lidhje të forta me eksponentë të krimit. Ai është shoku i Amarildo Nikollit, të penduarit të drejtësisë, i cili ndodhet në burg.

Atentati në tentativë ndaj Inez Hajrullas u zbardh nga rrëfimi i të penduarit, i cili tha se ishte pajtuar nga “Daku” për të kryer vrasjen, por nuk mundi ta ekzekutonte shënjestrën, pasi u arrestua nga policia.

Inez Hajrulla është një prej emrave më të njohur të botës së krimit në Vlorë. Ai mori drejtimin e grupit kriminal pas vrasjes në 2018 në Durrës të Edison Arizajt, i njohur si Edison Faqedjeguri.