Tërmeti i fuqishëm që goditi Turqinë bëri që shumë persona të humbin jetën e shumë të tjerë të mbeten të plagosur.
Përveç humbjeve të jetëve, ka dhe momente emocionuese nga kjo fatkeqësi, ku njerëz të ndryshëm nxirren të gjallë nga rrënojat. Një tjetër ngjarje është ajo e portierit boshnjak të klubit turk, Adana Demirspor, Goran Karacic. Gruaja e portierit ishte në Adana, ku tërmeti ka shkatërruar gjysmën e qytetit. Falë lehjes së qenit disa çaste përpara së nisjes së tërmetit, gruaja e tij u zgjua nga gjumi dhe arriti të shpëtonte.
“Ne jemi të gjithë të shokuar. Kaosi mbretëron në qytetin e Adanas. Qyteti ishte gjysmë i shkatërruar. Dje mbërritëm në Stamboll ku duhej të luanim ndeshjen me Umraniyespor, por gjithçka u anulua, mendja nuk shkon te futbolli tani”. Portieri u shpreh gjithashtu se Ishte me fat që qeni filloi të lehte një minutë para se tërmeti të fillonte dhe kështu e zgjoi gruan e tij.
Discussion about this post