Skuadra e Milanit sfidon Porton këtë të martë në champions league. Trajneri i skuadrës portugezem Serxho Konseisao ka vlerësuar maksimalisht kuqezinjtë ndërsa ka theksuar se Ibrahimoviç është lojtari më i mirë në botë.
Milani – “Është shumë i fortë, në kampionat ende nuk kanë pësuar humbje dhe kanë luajtur edhe me kundërshtarë të fortë si Juventus, Atalanta dhe Lacio. Është një skuadër shumë e fortë, mund edhe të fitonin si me Liverpulin po ashtu edhe ndaj Atletikos. Nuk mendoj se mungesat janë të rëndësishme dhe kanë shumë lojtarë të ri me dinamikë në lojë.”
Ibrahimoviç – “Nuk e di nëse do të luajë, ajo që di është se do të përballemi ndaj një skuadre që nuk është e formuar vetëm me një lojtar. I njohim karakteristikat e Ibrahimoviç, është i fuqishëm dhe ka kualitete teknike dhe fizike. Ështrë një nga lojtarët më të fortë në botë.”
Ndeshja ndaj Milanit – “Është një skuadër që di të luajë. Ka shumë kampionë në organikë, mendoj se do të mungojnë disa lojtarë për nga dinamika e saj e lojës. Kush mbron më mirë do të dërgojë në shtëpi fitoren”, përfundoi Serxho Konseisao.
