15 korrik 2021 ishte dita e bekuar që ndryshoi plotësisht jetën e Orinda Hutës dhe Turjan Hyskës. Dyshja u bënë prindër për herë të parë me një vajzë. Orinda solli në jetë një vogëlushe bukuroshe, që e pagëzuan me emrin Atara.
Menjëherë pas lindjes së saj, Turi ndau në rrjete sociale një foto me vajzën, duke i zbuluar edhe portretin e ëmbël.
Tashmë Turi dhe Orinda janë në qiellin e shtatë nga gëzimi dhe qëndrojnë të pandarë si familje bashkë me Atarën.
Madje, sot Turi ndau në Instagram foton e parë të portretit familjar, duke na e zbukuruar ditën.
“Përralla me mbret”- shkroi Turi krahas fotos ku e vogla fle mbi kraharorin e Orindës.
Pas 9 muajsh kufizime, Orinda ka nisur të konsumojë sërish produktet që i shijojnë më shumë.
Ajo ka treguar se dje ka konsumuar sërish proshutë dhe është shprehur shumë e lumtur për këtë fakt.
