Banorët e disa zonave të Tiranës po protestojnë poshtë zyrës së kryeministrit Edi Rama kundër aksionit për shembjen e banesave të tyre. Një prej banorëve kërcënoi Ramën kur tha se nëse nuk zbaton Kushtetutën, atëherë ai do të vendosë në zbatim kodet e Kanunit.
“Nëse doni gjak të parin e keni tek shtëpia ime. Nëse nuk zbatoni Kushtetutën. Unë i pari me vëllezër e motra, do zbatoj Kanunin. Nuk kam frikë. Unë jam i vdekur nëse më prish banesën time. Nëse më prish banesës që kam 30 vite, do ta mbroj me gjak. Më mirë hajde më vrit se të më lësh në rrugë të madhe. Nëse ti nuk vjen, do të të gjejë një gjë që ti nuk e mendon,” tha banori.
Banorët bëjnë thirrje për drejtësi dhe i kërkojnë kryeministrit Rama dhe kryebashkiakut Veliaj që t’u japin shtëpi të reja me të njëjtat metra katrorë që ata kanë, dhe të tregohen transparentë me kontratat.
Discussion about this post