Si shumë institucione të tjera publike në vendin tonë edhe Posta Shqiptare është përfshirë në disa afera korruptive me tenderët. Por, ajo që bie në sy këtë herë është se ky institucion, i drejtuar nga Ervin Bushati, nuk ndalet as përball ankesave dhe as përballë faktit që afera i doli sheshit. Bëhet fjalë për tenderin me objekt; blerjen e internetit nga një kontraktues, që do të pajis zyrat e këtij institucioni me WiFi për një periudhë 2 -vjeçare, i cili kap vlerat e 800 milionë lekë. Pak kohë më parë Gijotina. com ka zbardhur shkeljet që janë bërë në këtë tender si dhe faktin se ishte bërë një denoncim në Komsionerin Publik të Prokurimeve ndaj Postës Shqiptare.
Pas këtij denoncimi procesimi i tenderit u shty në kohë, por kjo u bë sa për sy e faqe, se të tjerë ankimues tregojnë se procedurat vazhdojnë në shkelje. Kështu një tjetër ankesë në pak kohë ka shkuar pranë KPP për Postën për tenderin që vjedh 800 milionë lekë nga xhepat e qytetarëve. Ankesa e dytë është bërë me 25 shkurt nga kompania “K81722014G – Itirana”, e cila njësojë si ankimuesi i parë shprehet se Posta Shqiptare ka vendosur në këtë tender kritere diskriminuese, duke cenuar hapur konkurrencën. “Paraqitja e dëshmive për 3 persona të certifikuar për rrjetat e të dhënave shkon në kundërshtim me ligjin e prokurimeve, pasi është në kundërshtim dhe jo në përputhje me objektin e tenderit, duke tejkaluar përmasat e kontratës, pengim të pjesëmarrjes dhe qasje drejtë diskriminimit të konkurrentëve”, thuhet në ankesë.
Të njëjtat shkelje ka paraqitur në ankesën e saj më parë, kompania Albanian Telecommunations Union” sh.p.k, e cila është shprehur se, mënyra e ndjekur nuk është legjitime, pasi favorizon fituesin. Në ankimimin e depozituar evidentohet se në kërkesat e paracaktuara kërkohen shërbime dhe pajisje që nuk kanë të bëjnë me objektin e kontratës. E.H/ Gijotina.com/
Discussion about this post