Ditën e nesërme, në fshatin Samatic të Beratit, fermerët e zonës do të mbajnë një protestë për falimentimin nga çmimet e larta.
Sipas posterit, protesta do të nis në orën 10:00 dhe do të bëhet në çdo fshat që ka fermerë në qytetet e Lushnjës, Fierit, Divjakës dhe Beratit.
Fermerët kërkojnë nga qeveria dëmshpërblim për farën e domates, të cilën kanë blerë dhe ka rezultuar me defekt si dhe mbështetje për të gjithë fermerët, njësoj siç mbështeten nga vendet e rajonit.
Ata gjithashtu kërkojnë uljen e çmimeve të farave dhe plehrave, pasi me këto çmime që kanë, ata po shkojnë drejt falimentimit.
