Kandidati i koalicionit “Bashkë fitojmë” Belind Këlliçi ka reaguar në lidhje me një poster të konsideruar të çuditshëm e të shumë komentuar të vendosur ditën e sotme në rrugët e Tiranës.
Këlliçi në këtë poster shfaqet me dy gishtat e mesit lart. Ky gjest ka bërë që të ketë shumë reagime.
Vetë Këlliçi, me anë të një reagimi për një medie ka dhënë versionin e tij për gjestin që bën në poster.
“Mua më vjen shumë mirë që ka pasur shumë reagime për posterin. Reagimet për qytetin i shërbejnë vetëm më mirë demokracisë.
Gishtat e mesit lart janë të ngritura kundër korrupsionit, i cili do të marrë fund më datë 14 maj, kur Veliaj nuk do të jetë më kryebashkiak i kryeqytetit.
Më vjen tepër mirë për reagimet e shumta të qytetarëve dhe që ata janë shumë dakord të luftohet korrupsioni.
Korrupsioni është gangrena e shoqërisë sonë ndaj dhe lufta ndaj këtij fenomeni do të jetë prioriteti im absolut. Me çdo mënyrë të mundshme do e luftojmë dhe do e mundim korrupsionin e Erion Veliajt”, deklaroi Këlliçi.
Discussion about this post