Ish-kryeministri Sali Berisha vazhdon takimet me anëtarësinë e Partisë Demokratike sot në Fier.
Në një postim në rrjetin social Facebook, Berisha shkruan se takimi i “Foltores” do të zhvillohet në orën 18:00, ndërsa thotë se bashkimi sjell fitoren.
Në videon që shoqëron postimin është kënga e zgjedhur nga Berisha. Edhe pse në përballje me Lulzim Bashën, Berisha ka zgjedhur këngën e fushatës që PD-në e shoqëroi në fushatën elektorale për zgjedhjet e 25 prillit 2021. “Sia-Unstoppable” është kënga që ish kryeministri ka zgjedhur.
Rikujtojmë, se takimi i parë u zhvillua në kryeqytet me anëtarësinë e PD, ku dha mesazhe për kreun aktual të opozitës, por edhe kryeministrin Rama.
Ish lideri historik i PD, Sali Berisha nisi “foltoret” në momentin kur Lulzim Basha e përjashtoi nga Grupi Parlamentar i PD.
