Ndërsa tensionet po rritën në kufirin me Ukrainën, SHBA dhe shumë vende të tjerë po mundohen të bindin Rusinë të tërhiqet. Ndërkohë, ditën e sotme Ambasada e Ukrainës në Tiranë ka reaguar për përplasjen me Rusinë, ku u bën thirrje ndërkombëtarëve që të përdorin masa parandaluese kundër Rusisë, për ta detyruar atë të heqë dorë nga realizimi i planeve të saj agresive.
Sipas ambasadës ukrainase, në 17-18 shkurt, formacionet ilegale ushtarake të Rusisë bombarduan qytetet ukrainase të Stanytsia Luhanska dhe Maryinka, si dhe komunitetet përgjatë vijës së kontaktit me armatim të ndaluar sipas Marrëveshjeve të Minskut, duke dëmtuar infrastrukturën civile dhe duke shkaktuar lëndime në civilë dhe ushtarakë ukrainas.
“Më 17-18 shkurt, formacionet ilegale ushtarake të Rusisë bombarduan qytetet ukrainase të Stanytsia Luhanska dhe Maryinka, si dhe komunitetet përgjatë vijës së kontaktit me armatim të ndaluar sipas Marrëveshjeve të Minskut, duke dëmtuar infrastrukturën civile dhe duke shkaktuar lëndime në civilë dhe ushtarakë ukrainas; Vetëm gjatë 17 shkurtit, formacionet ilegale ushtarake të Rusisë bënë 60 shkelje të armëpushimit, duke përdorur armë të ndaluara sipas Marrëveshjeve të Minskut në shumicën dërrmuese të rasteve”, thuhet në deklaratë.
Ndërsa në përfundim theksohet se më 17 shkurt, propaganda ruse shpërndau lajme të rreme duke pretenduar se një grup ukrainas kishte kryer një akt sabotimi në një fabrikë kimike në rajonin e Donetskut.
Discussion about this post