Prag tragjedie në Osum, makina ngec në lumë – VIDEO

Një automjet ka ngecur në lumin Osum orët e para të mëngjesit. Pasagjerët janë arritur të shpëtohen nga autoritetet.

“Rreth orës 02:30, sapo janë njoftuar për 2 shtetas të cilëve iu ishte fundosur mjeti me të cilin lëviznin, teksa kalonin lumin Osum, nga fshati Malinat në fshatin Mbrakull, shërbimet e Stacionit të Policisë Poliçan dhe shërbimet e DVP Berat kanë shkuar në vendin e ngjarjes, për t’iu ofruar ndihmë këtyre shtetasve”, thuhet në njoftim të bluve.

“Si rezultat, në bashkëpunim me shërbimet zjarrfikëse, u bënë të mundur lokalizimi dhe shpëtimi i 2 shtetasve (banorë të zonës), si dhe nxjerrja e mjetit. Të dy shtetasit u transportuan me autoambulancë për kontrolle mjekësore dhe janë jashtë rrezikut për jetën”, thuhet më tej në njoftimin e policisë.