Kandidati për kryetar në Forumin Rinor të Partisë Demokratike, Mariglend Doçi ka publikuar pamje të trishta nga kanali i la Manshit, ku një gomone me emigrantë është çarë dhe ka marrë ujë, ndërsa brenda saj ndodhen dhe disa të rinj shqiptarë. Në video duket dhe tentativa e tyre për të zbrazur ujin me bidona brenda mjetit lundrues. Më tej, ai shkruan se përgjegjëse kryesore për eksodin e të rinjve është qeveria shqiptare.
“Pamjet trishtuese na vijnë nga Oqeani.
Të rinj Shqiptar të cilët të mbetur në mes të Oqeanit përshkak se gomonia është mbushur me ujë nga dallgët e furishme dhe nuk e çan dot më,në tentativa për të zbrazur ujin me bidona.
Kjo qeveri që e ka dërguar këtë popull 32-vite pas,në kohën e gomoneve duhet të largohet.
Vendi ynë ka kapacitetet dhe burimet e mjaftueshme ekonomike dhe infrastrukturore që këta të rinjë të arsimohen,të punsohen dhe të ndërtojnë jetën e tyre këtu.
Ata po largohen nga keq-qeverisja,nga krimi i shtuar dhe nga mungesa e nderhyrjes së shtetit në rregullim dhe sistemimin qetësisë publike dhe jetesës në komunitet.
Reformat e dështuara në arsim,ekonomi dhe drejtësi kan dërguar këtë vënd dhe sidomos rinë e tijë në katrahurë dhe emigrim masiv që është dhe plaga më e rëndë e këtij vendi në 32 vitet e fundit.”-shkruan ai.
Discussion about this post