Policia italiane ka vënë në pranga dy shtetas shqiptarë të moshës 22 dhe 32 vjeç. Ata akuzohen se kanë përdhunuar një vajzë të mitur. Nga hetimet e kryera rezultoi se pas një nate të kaluar në një klub të njohur në Valdelsa, mes konsumimit të drogës dhe alkoolit, disa muaj më parë, duke përfituar nga gjendja e dehur, një vajzë dyshohet se ka pësuar dhunë seksuale brenda një makine, parkuar jo shumë larg hyrjes së klubit.
Vajza fare e re, pas dhunës së pësuar, më pas është shoqëruar nga vetë torturuesit pranë shtëpisë së saj dhe është lënë aty në kushte të këqija psikofizike. Pas denoncimit të vajzës në komisariatin e Poggibonsit, kanë nisur hetimet, të koordinuara nga prokurori publik në Gjykatën e Sienës, të cilat kanë çuar në identifikimin e dy të dyshuarve. Pas arrestimit, dy të rinjtë u dërguan në burgun Santo Spirito në Siena, në pritje të arrestit shtëpiak në shtëpitë e tyre.
Oficerët e policisë të Poggibonsi, në bashkëpunim me Policinë e Shtetit, Skuadrën Lëvizëse të Shtabit të Policisë së Sienës, kontrolluan shtëpitë e dy shqiptarëve në kërkim të telefonave, rrobave, natën e ngjarjeve dhe lëndët narkotike të mundshme. Qeni i policisë ‘Eviva’ gjatë operacioneve ka gjetur edhe sasi të vogla droge në shtëpinë e njërit prej dy të dyshuarve.
Çështja, është “pasojë e rindërtimit të përpiktë të fakteve të ndodhura përmes kontrollit të kujdesshëm të mbi 100 orë filmime të ekstrapoluara nga qarqet e ndryshme të vëzhgimit me video në zonën ku ndodhi ngjarja. Aktivitetet, të cilat angazhuan për disa ditë personelin e komisariatit të Poggibonsit, bënë të mundur identifikimin e dy të dyshuarve dhe rindërtimin e fakteve.
Discussion about this post