Një shqiptar 29-vjeçar është vënë në pranga në Itali, pasi posedonte 72 kilogramë kokainë dhe 50 mijë euro cash. Trafikanti u arrestua nga policia e Reggio Emilia, ku dhe iu sekuestruan 72 kilogramë kokainë dhe 50 mijë euro cash.
Gjithçka filloi me një kontroll normal rrugor në një makinë Peugeot 208, më 21 qershor, e cila po shkonte drejt Cavriago nga zona e stadiumit Mapei. Shqiptari nuk është ndalur, ndonëse oficerët ia kanë bërë me shenjë.
Pas një ndjekje që ka zgjatur disa minuta, shqiptari, identiteti i të cilit nuk bëhet me dije, ka ikur në një rrugë të mbyllur dhe më pas ka braktisur mjetin.
Por, 29-vjeçari shqiptar është bllokuar menjëherë nga policia. Nga kontrolli fillestar në makinën e tij u zbuluan 30 mijë euro të mbështjella në tre tufa.
Më pas kontrollet vazhduan në shtëpinë e tij ku u gjetën 48 pako kokainë me logon ‘Boss’ dhe mbështjellës të tjerë droge u gjetën në një makinë të dytë. Policia gjeti tek makinat 20 mijë euro të tjera para cash dhe më shumë kokainë, një total prej mbi 72 kilogramë.
Discussion about this post