Kreu i grupit parlamentar të Partisë Socialiste Taulant Balla ka pranuar kërkesën e Enkelejd Alibeaj që nisja e procedurave për zgjedhjen e Presidentit të ri të nisë më 10 maj, ndërsa raundi i parë i votimit të nisë më 16.
Në fjalën e tij, Balla deklaroi se është dakord me kërkesën e Alibeajt ku në datën 16 maj do të behët raundi i parë i votimit me diferencë 7 ditë nga raundi tjetër kohë sipas Kushtetutës.
“Nëse ju do insistoni deri në fund dhe doni mos të humbim kohë, konferenca e kryetarëve të ndërpresë punimet dhe të vazhdojë në datën 10. Vetëm në këtë rast nuk kemi kriter një shkelje. Data 10 quhet data e fillimit të procedurës dhe më datë 15 apo 16 të jetë raundi i parë. Për pjesën e dytë un nuk e marr rrezikun kushtetues përsipër. Afatet nuk duhet të jenë më shumë se 7 ditë dhe e thotë kushtetuta. Data 16 te jetë raundi i parë i zhvillimit. Besoj me këtë propozim kemi mbushur të gjitha pritshmëritë për një proces serioz”, tha Balla.
Discussion about this post