Është një tjetër pranverë e mallkuar për Inzaghin. Ai thuajse nuk e ndjen, ndoshta këtë herë edhe sepse është maskuar nga një dimër që nuk mund të ishte më i ftohtë.
A do të jetë ajri i Milanos? Jo, sepse në Romë skenari ishte i njëjtë. Skuadrat e Simones e nisin kampionatin në mënyrë diskrete dhe lartësohen në fund të fazës së parë.
Më pas, rreth javës së 26-të, shënohet një rënie të qartë. Pikërisht kur është kulmi i sezonit çdo gabim mund të kushtojë shtrenjtë.
Në katër ndeshjet e fundit të kampionatit, Lautaro dhe shokët e tij kanë marrë vetëm 3 pikë, rezultat i fitores 2-0 në San Siro kundër Leçes.
Ata humbën kundër Bolonjës, Spezias dhe Juventusit, por u ngushëlluan me kualifikimin në çerekfinale të Champions League.
Synimi që duhet arritur me çdo kusht është në dritën e diellit: të mbyllet sezoni në top katërshe dhe të konfirmohet në elitën e futbollit europian.
Për momentin, Inzaghi po gëzon pozitën e tretë, por epërsia (vetëm) tre pikëve ndaj vendit të pestë, hap derën për të gjitha llojet e skenarëve.
Vitin e kaluar, lufta e Scudettos me Milanin u vendos pikërisht në këtë periudhë. Pas njëzet e pesë raundesh, Interi ishte -1 pas kuqezinjve dhe kalendari i shkeli syrin Simones: në pesë ndeshjet e ardhshme ata do të takoheshin me Sassuolo, Genoa, Salernitana, Torino dhe Fiorentina.
Interi i tij, megjithatë, fitoi vetëm kundër salernitanës dhe, në ndeshjen e 30-të, ata ishin -6 pas ekipit të Piolit. Shpresat për një rikthim ishin ende shumë të forta për shkak të ndeshjes që do të rikuperohej kundër Bolonjës.
Gabimi i portierit Radu në Dall’Ara peshoi si një shkëmb, por problemet e Nerazzurrëve nisën shumë më herwt.
Ndër trajnerët e skuadrave që luftojnë për t’u kualifikuar në Ligën e Kampionëve – përfshirë Juventusin dhe Atalantën -, Inzaghi është ai me mesataren më të ulët të pikëve në trembëdhjetë ndehsjet e fundit të Serisw A: 22.2, duke marrë parasysh pesë sezonet e fundit.
Allegri dhe Pioli janë “specialistë” të finaleve, ndërsa Simone ka vuajtur që nga ditët e tij në Lacio: në tre vitet e fundit me klubin e Lotitos ka grumbulluar të paktën pesë nokaut nga ndeshja e 26-të e në vazhdim.
Objektivat për sezonin ishin më pak ambicioz se aktualisht, por rezultatet ende lanë diçka për të dëshiruar. Quhet pranverë, por në shtëpinë Inzaghi sjell gjithçka përveç trëndafilave dhe luleve.
La Gazzetta dello Sport
Discussion about this post