Dhjetëra vatra zjarri janë shënuar gjatë muajit mars. Pasditen e sotme hektarë të tërë janë përfshirë nga flakët në vendin e quajtur Dollakë në Krujë.
Flakët vijojnë të djegin prej disa orësh çfarë gjejnë përpara, ndërsa ndërhyrja e zjarrfikësve është e pamundur për shkak të terrenit të thyer.
Era e fortë ka favorizuar flakët, ndërsa duket se e vetmja zgjidhje për shuarjen e tyre është ndërhyrja nga ajri.
Kujtojmë se, sipërfaqe me ullishta e pisha kanë marrë flakë ditët e fundit në Vlorë. Para tre ditësh janë djegur qindra rrënjë ullinjsh në zonën e fshatit Panaja dhe Bestrovë. Rastet e djegies së ullishteve në Panaja dyshohet se janë pasojë e konfliktet të vjetra midis pronarëve të tokave dhe blegtorëve, pasi këta të fundit djegin tokat, madje dhe ullinj për të përfituar kullota për bagëtitë e tyre.
Vetëm në një javë, në zona të ndryshme të Elbasanit janë identifikuar 5 vatra zjarri. Zjarret në Elbasan janë shfaqur në zona të thella malore.
Discussion about this post