Partizani hodhi një tjetër hap fals ditën e djeshme në kampionat duke barazuar 1-1 ndaj Skënderbeut. Në këtë përballje drejtori sportiv i kryeqytetasve, Olsi Rama u nevrikos me lojtarët e Partizanit në sekondat e fundit të ndeshjes për shkak se nuk po sulmonin sa duhet.
“Çfarë jeni duke bërë mo ooo?! Nxitoni, a nuk e shikoni që është fundi? Çfarë bëjnë, s’po e kuptoj?! Çfarë është kjo lojë! Kështu do vazhdojmë?…”- ishin fjalët e Ramës dhe më pas është larguar i nxehur nga tribuna. Drejtori zbriti në dhomat e zhveshjes i acaruar dhe pas saj u largua menjëherë, pa dashur të komentojë asgjë. Partizani ka grumbulluar vetëm një pikë në dy ndeshjet e para të kampionatit.
