Zbulohet shkaku i largimit të Julian Nagelsmann nga stoli i Bayern Munchen pas një vendimi të papritur që mori bordi drejtues i klubit mbrëmjen e djeshme.
Bëhet fjalë për të dashurën e trajnerit 35-vjeçar, gazetare e “Bild” ndaj të cilës, yjet e skuadrës kishin dyshime se nxirrte informacione nga dhoma e zhveshjes. Në këtë mënyrë, zërat mosbesues ndaj trajnerit Nagelsmann ishin rritur ndjeshëm kohët e fundit, aq sa për të mjaftuar që ai të humbiste mbështetjen e një pjese të madhe të skuadrës.
E dashura e ish-trajnerit ka reaguar duke bërë me dije se do të largohet nga puna si korrespodente e “Bild” në Munchen por tashmë është shumë vonë pasi trajneri gjerman është shkarkuar dhe vendin e tij e ka marrë Thomas Tuchel.
Lena Wurzenberger do ta dorëzojë detyrën brenda këtij muaji dhe lajmi konfirmohet edhe nga e përditshmja më e madhe e Gjermanisë. Në fillim të këtij muaji, skemat taktike të Bayernit dolën në faqen e parë të “Bild” ndërsa vetë trajneri akuzoi për një spiun brenda dhomës së zhveshjes.
Discussion about this post