“Pre e mafies serbe”, biznesmeni thirret me arrogancë nga Prokuroria

Sipërmarrësi dhe njëkohësisht kreu i sektorit të hotelerisë Zak Topuzi, ka bërë një reagim ditën e sotme në rrjetin e tij social Facebook.

Në reagimin e tij, Topuzi ka akuzuar Prokurorinë e Tiranës, për arrogancën e saj në mënyrën e komunikimit zyrtar në përcjelljen e informacionit.

Topuzi rrëfen se në shkurt 2019, duke u kthyer nga Panairi Turizmit Beograd, ai ra pre e mafies rrugore serbe të organizuar. Patrulla e lëvizshme e Policisë e ndaloi në autostradë dhe e shoqëron në mënyrë detyruse në një pikë servisi fshati për të kryer disa kontrolle pa të cilët nuk më lejonte të largohesha.

“Më datë 28 Korrik, më vjen një Urdhër Thirje nga Prokuroria Tiranë për tu paraqitur ditën e hënë dt 31 Korik pa asnjë sqarim dhe shënimi në fund:

-Në rast mosparaqitje ……do të urdhërohet shoqërimi juaj i detyrueshëm !!! Pra në fund jave të mos flesh i qetë.

Dhe thirja ishte për të më dorëzuar një informacion zyrtar për hapat e deritanishëm të procesit në Sërbi.”

Dhe më tutje, sipërmarrësi e mbyll postimin:

“Sa arrogancë përcjellin institucionet tona. Në komunikimin në telefon nuk më jepnin asnjë arsye, përse duhej të paraqitesha.”