Shkrimtari dhe ish-deputeti Preç Zogaj ka treguar për herë të parë se më parë i ka kërkuar kryedemokratit Lulzim Basha që të shkonte ai dhe t’i kërkonte liderit historik Sali Berisha që të mos garonte në zgjedhjet e 25 prillit.
I ftuar në emisionin “Opinion”, Zogaj ka bërë me dije se e kishte pyetur Bashën nëse e delegonte që të shkonte për të diskutuar me Berishën për t’u larguar nga politika. Por shtoi se Basha nuk e ka aprovuar një takim të tillë, duke shtuar se kishte nderim dhe mirënjohje për liderin historik të PD-së.
“I kam dhënë edhe një gjë Bashës. Unë e kam shtyrë Bashën, i kam kërkuar edhe një gjë. “A t’i shkoj unë Berishës”, i kam thënë. A më delegon të shkoj ta takoj, ai më pret. E t’i them, a do ta lëmë këtë djalin të krijojë profilin e vetë?”. Jo nuk donte. Nuk më la të shkoja, pasi kishte respekt dhe mirënjohje për Berishën. Do ta zgjidhë vetë ai”- tha Zogaj.
