Akset Tamarë-Vermosh dhe Bogë-Theth nuk do të jenë më nën administrim të bashkive, por nën varësi të ARRSH. Lajmi u bë i ditur nga prefektja e Qarkut Shkodër, Majlinda Angoni, e cila zhvilloi një takim me drejtues të institucioneve të Qarkut Shkodër, ku në fokus ishte marrja e masave për përmbytjet apo reshjet e dëborës në stinën e dimrit.
“Duke pasur pozicionin gjeografik, për sa i përket përmbytjeve ne sot morëm informacion mbi masat paraprake për sezonin vjeshtor-dimëror që na pret. Së bashku me drejtuesit e institucioneve dhe kryetarë të bashkive bëmë një parashtrim për ato që janë marrë në nivel vendor dhe qendror për të përballuar dhe mitizuar sadopak situatën si të rreshjeve të shit ashtu edhe të borës. Gjithashtu kishim edhe aksi rrugor nga Tamrra në Vërmosh ka kaluar nën administrimin e ARSH po ashtu edhe aksi Bogë deri në Theth ka kaluar në administrimin e ARSH, një kërkesë e vazhdueshme e perfektit për ti hequr këto rrugë nga administrimi i bashkive dhe për ti kaluar në një nivel më të mirë për ti mirëmbajtur sic është ARSH. Prioritete që ka rëndësinë rruga Bogë deri në Theth për turistë duhet të jetë e aksesueshme 365 ditët e vitit prandaj ka kaluar nga administrimi lokal në administrimin e institucioneve që janë më të specializuara”- tha Majlinda Angoni, Prefekte e Qarkut Shkodër.
Nga ana tjetër, kryebashkiaku i Vau i Dejës, Mark Babani, u shpreh se zona e nënShkodrës është e penalizuar për investimet në bujqësi. Sipas tij, hidrocentrali i Skavicës që do të ndërtohet eleminon 80% problemin e përmbytjeve, por paralajmëroi se përmbytje do të ketë përsëri.
“Ne prekemi në dy zona nga përmbytjet. Me gjitha diskutimet dhe koordinimin e punës dhe me gjithë aktorët që janë për emergjencat civile, ne i kemi marrë masat që të përballojmë në mënyrën më të mirë të mundshme një situatë të vështirë sic ishte vitin e kaluar. Por unë mendoj për një zgjidhje përfundimtare sepse kemi vite që përmbytje nuk është viti i parë që zona e nën Shkodrës është një zonë e penalizuar për investimet në bujqësi sepse në momentin kur mendojnë për përmbytjet ata nuk investojnë. Ne ngritëm në këtë takim , a është një zgjidhje përfundimtare të kësaj fatkeqësie, përmbytje. Hidrocentrali i Skavicës që do të bëhet eliminon problemin 80% por nuk eliminon problemin e dy kaskadave të Vau Dejësit dhe Komanit dhe përmbytje do të ketë sërish” – u shpreh Mark Babani, Kryetar i Bashkisë Vau i Dejës.
Ndërsa, drejtori i Drejtorisë së Ujitjes dhe Kullimit Lezhë, Fran Mataj, theksoi se ndërhyrjet në shtratin e lumenjve po sjellin shumë pasoja.
“Drejtoria e Ujitjes dhe Kullimit në Lezhë gjatë vitit 2020 dhe 2021 ka ndërhyrë në gjithë rrjetin e parë kullues në fushën e nën Shkodrës përfshirë edhe Vaun e Dejës. Gjatë këtyre dy viteve janë rehabilituar rreth 100 km kanale kulluese që janë me rrjdhje të lirë, bëhet fjalë për hidrovoret. Është ndërhyrë në të gjitha kanalet kulluese në fushën e nën Shkodrës” – tha Fran Mataj,Drejtor i Drejtorisë së Ujitjes dhe Kullimit Lezhë.
