Ish-kryeministri Sali Berisha ka folur për herë të parë për garën që po zhvillohet në PD për të marrë kryesinë e kësaj force politike.
Berisha është shprehur se data e zgjedhjeve për kryetar nuk duhej të afrohej, pasi sipas tij, kryesore ishte faktimi i “masakrës” zgjedhore
I ftuar në emisionin “Politikon”, Berisha tha se mbeta i habitur nga vendimi unanim i Këshillit Kombëtar të Partisë Demokratike për të nisur fushatën zgjedhore për kreun e kësaj partie.
Ai theksoi se për shkak të vendimit unanim të Këshillit Kombëtar, vendosi që të mos shprehet në lidhje me procesin zgjedhor për kreun e PD-së.
“Nuk kam qenë kundër as të parës dhe as të dytës, por një votim të cilin e voton Këshilli Kombëtar, si ata që kërkonin dorëheqjen e Bashës, por edhe ata që mbronin vazhdimin e kryetarit, atëherë unë në këtë rast preferova që të hesht. Sepse vendimi ishte unanim”, tha ish-kryeministri.
