“Prehu në paqe” kapiten! Në Rrogozhinë bëjnë homazhe për Dwamenën

Në Rrogozhinë, rinisi ndeshja mes Egnatias dhe Partizanit e ndërprerë më datë 11 nëntor për shkak të ngjarjes tragjike të lidhur me Raphael Dwamena.

Përpara startit të ndeshjes pikërisht në minutën e 24 aty ku edhe u ndërpre, stafet e të dyja klubeve, lojtarët e të gjithë të pranishmit në stadium, nderuan Dwamenën i cili ishte shndërruar në një prej futbollistëve më të dashur të qytetit rrogozhinas.

I pari që zbriti në fushë ishte presidenti i Egnatias, Demrozi e më pas drejtori Olsi Rama, ndërsa më pas të gjithë u bashkuan në homazhet për ganezin.

Sulmuesi ganez i Egnatias pësoi arrest kardiak në fushë në minutën e 24-t të ndeshjes, por nuk arriti të mbijetojë edhe pse ndihma mjekësore ishte e shpejtë.