Prej 22 vitesh në arrati, ekstradohet nga Anglia vrasësi Defrim Iseberi

Defrim Iseberi, është ekstraduar nga Mbretëria e Bashkuar drejt Shqipërisë.

Iseberi, 47 vjeç, është arrestuar nga autoritet policore në Mbretërinë e Bashkuar në zbatim të urdhër-arrestit ndërkombëtar të nxjerrë nga Interpol Tirana, pasi Gjykata e Apelit Shkodër, në vitin 2016, e ka dënuar me 8 vjet burgim, për veprat penale “Vrasje me paramendim” dhe “Armëmbajtje pa leje”.

Sipas policisë, 47- vjeçari më datë 16.10.1997, në Kukës, ka qëlluar me armë zjarri personin e identifikuar me iniciale D. M., i cili si pasojë e plagëve të marra ka ndërruar jetë.