Prej thuajse tre ditësh vijon të jetë aktiv zjarri në masivin pyjor të fshatit Shëngjergj të Njësisë Administrative të Kaçinarit në Mirditë, ku janë djegur mbi 10 hektarë me lis, dushk dhe barishte, ndërsa zjarri nuk përbën rrezik për zonën e banuar.
Sipas burimeve, në terren ndodhen 4 mjete zjarrfikëse, por për shkak të terrenit të vështirë malor është e pamundur ndërhyrja e tyre në vatrën e zjarrit.
Shuarja dhe vënia nën kontroll e flakëve po bëhet me mjete rrethanore nga efektivë, zjarrfikësit dhe punonjësit e shërbimit pyjor të Bashkisë Mirditë.
Zjarri që është i qëllimshëm po shkakton dëme të shumta në ekonominë pyjore të zonës. Flaka u vihet pyjeve pikërisht për të hapur kullota të reja në male, ndërsa policia nuk ka arritur ende që të identifikojë autorët.
Discussion about this post