Prej një javë sistemi i pagesave të OSHEE ka dalë jashtë funksioni. Problemet e para filluan në Kukës, Vlorë dhe më pas në Tiranë, ku qytetarët prisnin me orë të tëra në radhë për të paguar faturat e energjisë elektrike, por pa marrë asnjë shpjegim dhe pa shlyer detyrimet ktheheshin mbrapsht.
Ndërkohë, sipas burimeve të gijotina.com ky problem është shfaqur së fundmi në Fier dhe Lushnje, ku mësohet se pagesat nuk mund të bëhen as në zyrtare OSHEE, an online dhe as në banë sepse sistemi ka rënë krejtësisht.
Pavarësisht se,qytetarët janë ankuar dhe ky fakt është ngritur se problem nga mediat, OSHEE vetë nuk ka reaguar dhe as nuk ka dhënë një sqarim se kur mund të rregullohet ky problem. Qytetarët janë të shqetësuar për shkakun se ky problem do të bjerë si barrë mbi ta, për shkak se me kalimin e ditëve shtohen kamatëvonesat në faturat e tyre.
Pra kjo do t’i rëndojë ata financiarisht për shkak se, në momentin që do të shkojnë të paguajnë faturat, vlera do të jetë më e lartë, pasi në momentin që të hapet sistemin ditët që kanë mbetur pa paguar regjistrohen automatikisht si kamatëvonesa.
E.H/ gijotina.com/
