Prej një viti në lidhje! Ja kush është e dashura e Malumës (Foto) -

Maluma po zhvillon turin e tij “Papi Juancho” dhe prej ditësh ndodhet në Europë. Performanca të zjarrta, kërcime, surpriza, gjeste të çmendura nga fansat-koncertet e tij i kanë të gjitha. Por, çfarë ka marrë vëmendjen e të gjithëve është dalja publike e tij me të dashurën në Greqi.

Shumë njerëz mund të mos e dinë, për shkak se ai ka zgjedhur ta mbajë shumë private këtë lidhje, por PO, Maluma ka të dashur të cilën e ka marrë edhe në disa prej koncerteve të tij. Në Shqipëri ajo nuk ishte, ndoshta edhe për shkak se kolumbiani qëndroi pak kohë, por në Greqinë fqinje po.

Ata janë fotografuar bashkë në Athinë, teksa shëtisnin në kryeqytetin grek të kapur përdore. Ndonëse me maska, kapele e syze, sërish nuk u kanë shpëtuar fotografëve dhe fotot e tyre kanë mbushur rrjetet sociale.

Kjo paraqitje e rrallë e çiftit na nxiti të hulumtojmë pak më shumë për të dashurën e Malumës. Për të cilën ka shumë pak informacione. Kjo pasi ajo nuk është personazh publik.

Vajza fatlume quhet Susana Gómez dhe është në një lidhje me yllin e muzikës latine që nga fundi i vitit 2020 kur u fotografuan për herë të parë së bashku.

Maluma nuk poston foto me të në rrjetet sociale. Megjithatë, ai bëri një përjashtim ditën e Krishtlindjeve kur “falenderoi Santa Claus” për dhuratën e tij të jashtëzakonshme.

“Faleminderit, Santa”, shkroi këngëtari në llogarinë e tij në Instagram krah një fotoje të paqartë ku shfaqej me Susan duke u puthur para pemës së Krishtlindjes.

Pak dihet për 28-vjeçaren që i ka marrë zemrën Malumës. Ndërsa ky i fundit gëzon famën dhe është në qendër të vëmendjes, Susana është një arkitekte nga Kolumbia që jeton larg botës së spektaklit.

Gómez është e dashura e parë e autorit të hitit “Corazon” pas ndarjes së tij me modelen Natalia Barulich. E kur me fansat është treguar i rezervuar, gjërat duken shumë serioze në lidhjen e tyre. Maluma e ka prezantuar atë me familjen e tij dhe Susana është tashmë shumë shoqe me Marlli Arias, nëna e Malumës.

Ajo shkon për mrekulli edhe me motrën e këngëtarit, Manuela Londoño. Dhe nuk është mjaftuar vetëm me dashurinë e vjehrrës dhe të kunatës, Susana ka një marrëdhënie të mirë edhe me Yudi Arias, tezen e këngëtarit.

Tani që lidhja e tyre është konsoliduar goxha, mund të jetëthjesht çështje kohe që profilet e tyre në Instagram të mbushen me momentet e bukura që fansat e tyre i kanë pritur prej kohësh.