Gazetari Artan Hoxha tha në studion e emisionit “Të Paekspozuarit” se deputeti Arben Ahmetaj nuk ndodhet në Shqipëri.
Hoxha tha se ditën e premte ai ka dalë jashtë territorit të Republikës së Shqipërisë, ndërsa ka shkuar në një vend fqinj, anëtar të BE-së.
“Do të shikojmë nesër nëse Arben Ahmetaj do të paraqitet ose jo në mbledhjen e Këshillit të Mandateve”, tha Hoxha.
Sipas tij, referuar precedentëve të mëparshëm, si ai në rastin e Lefter Kokës, ky i fundit ndodhet prej dy vitesh në burg dhe nuk është marrë asnjëherë në pyetje.
“Kemi historinë e ish-deputetit Alqi Bllakos, i cili u zhduk për nja 8 orë, pastaj u dorëzua, por kemi të njëjtën situatë si me rastin e Kokës.
Duke patur parasysh standardin që është ndjekur deri më sot SPAK po kërkon aplikimin e masës ekstreme, kërkon ta çojë në burg”, tha Hoxha.
Discussion about this post