Ish-ministri Lefter Koka ndodhet prej 3 muajsh në burg, për shkak se akuzohet se është përfshirë në aferën e inceneratorëve. Por, si duket ai nuk rri duarkryq dhe gjithmonë bënë nga një përpjekjeje për të gjetur një mënyrë të lirohet. Kështu, për të katërtën herë Koka ka bërë rekurs në gjykatën e lartë, duke kërkuar masë më të butë sigurie.
Sipas burimeve, rekursi për ndryshimin e masës së sigurisë arrest me burg, në gjykatën e Lartë, është regjistruar më datë 7 Mars. 3 herë të tjera gjykata e rrëzuar kërkesën e Kokës për të lehtësuar masën e sigurisë. Kujtojmë se më 14 dhjetor SPAK urdhëroi prangosjen ish-ministrit të Mjedisit, Lefter Koka për dosjen e shumëpërfolur, atë të inceneratorit në Elbasan. Prokuroria e Posaçme akuzon ish ministrin e mjedisit për tre akuza.
Ndaj tij rëndojnë akuzat e shpërdorimit të detyrës”, “pastrim të parave” dhe korrupsion”. Hetimet disa mujore zbuluan se Lefter Koka favorizoi pronarët dhe administratorët e kompanisë lidhur me koncesionin e inceneratorit të Elbasanit. Sipas SPAK Koka akuzohet se ka përfituar ryshfet në vlerën e 3.7 milion eurove nëpërmjet kompanive fiktive të zotëruara nga familjarë dhe të njohur të tij.
Discussion about this post